cancelleri-e-messinese

Lamentu di un paisanu gilisi supra la sciarra a cincu stiddi tra lu sinnacu Missinisi e l’onorevuli Cancilleri.

Chiossai di l’amuri mancatu fu la dilusioni pi l’amuri pirdutu. Quanti spiranzi mittemmu nta ddu votu a cincu stiddi.

Cancilleri n’avia dittu ca, siddu vincevanu l’onesti, Gela avissi statu ‘n sognu.

Un’incubu addivintau. Sciarri matina e sira, e jastimi e insulti. Ddu Cunsigghiu Comunali pareva nu burdellu.

Li cincu stiddi hannu dittu ca ci dispiaci pi la malafiura e ca la prossima vota lu sinnacu lu scegliunu megghiu.

Ma chi ci pari a iddi? Ca semu minchiuna? La prossima vota nun ci hannu a passari mancu pi la strata.

I pulitici di prima nun facevanu nenti e pinsavanu sulu a li fatti sò, ma nuautri lu sapevamu ca eranu buttani.

Chisti n’avianu parsu carusi boni, e ci misimu tutti li spiranzi nostri. Ma eranu fausi e ci arristammu troppu mali.

Avia raggiuni me nanna ca diceva: “megghiu lu tintu canusciutu ca lu tintu a canusciri”.

Ammatula vutammu cincu stiddi; forti fu la spiranza, e, pi stu motivu, cchiù forti fu lu duluri.

 

http://ubabbiu.wordpress.com/2016/01/04/ammatula-vutammu-cincu-stiddi/

Lascia un commento

Il tuo indirizzo email non sarà pubblicato. I campi obbligatori sono contrassegnati *